قومی کرکٹ ٹیم کے سابق کپتان شاہد خان آفریدی نے پاکستان کرکٹ بورڈ (پی سی بی) کی جانب سے عہدہ ملنے کی پیشکش سے متعلق خبروں کی تردید کردی۔
تفصیلات کے مطابق قومی کرکٹ ٹیم کے سابق کپتان شاہد آفریدی نے میڈیا سے گفتگو کرتے ہوئے کہا کہ پی سی بی کے موجودہ سیٹ اپ میں کسی بھی عہدے کے یے ان سے رابطہ نہیں کیا گیا اور نہ ہی وہ ایسی کسی خبر کے بارے میں جانتے ہیں۔
واضح رہے کہ میڈیا پر خبریں گردش کررہی تھیں کہ شاہد آفریدی کو بورڈ میں اہم عہدے کی پیشکش کی گئی ہے۔
انہوں نے کہا کہ میں اپنی فانڈیشن کے کام میں بہت مصروف ہوں ۔
یاد رہے کہ سابق کپتان شاہد آفریدی کو پاکستان کی جانب سے سب سے زیادہ 398 ایک روزہ میچز کھیلنے کا اعزاز حاصل ہے۔
