(ویب ڈیسک)برازیل کے اسٹار فٹبالر نیمار نے اپنے ہم وطن فٹبالر رونالڈو نزاریو کا ریکارڈ توڑ دیا۔
نیمار نے پیرو میں ہونے والے فیفا ورلڈکپ کوالیفائر میچ میں پیرو کے خلاف شاندار ہیٹ ٹرک کرکے جہاں ٹیم کو کامیابی دلوائی وہیں انہوں نے سابق برازیلین سپر اسٹار رونالڈو نزاریو کا بین الاقوامی مقابلوں میں گولز کا ریکارڈ توڑ دیا۔
28 سالہ نیمار بین الاقوامی مقابلوں میں 64گول کے ساتھ پیلے کے بعد سب سے زیادہ گول اسکور کرنے والے برازیلی کھلاڑی بن گئے ہیں، پیلے77 گول کے ساتھ پہلے اور رونالڈو 62 گول کے ساتھ تیسرے نمبر پر ہیں۔