لاہور:قومی ویمن کرکٹ ٹیم کی سابق کپتان ثناء میر کورونا وائرس کا شکار ہو گئیں جس کے بعد انہوں نے خود کرقرنطینہ کر لیا۔
تفصیلات کے مطابق قومی ویمن کرکٹ ٹیم کی سابق کپتان ثناء میر کا کورونا ٹیسٹ مثبت آ گیا ہے اور کورونا وائرس کا شکار ہونے پر قومی ویمن کرکٹ ٹیم کی سابق کپتان ثناء میر نے خود کرقرنطینہ کر لیا۔
قومی ویمن کرکٹ ٹیم کی سابق کپتان ثناء میر قائداعظم ٹرافی کے کمنٹری پینل میں شامل ہیں اور کورونا وائرس کے مثبت آنے کے بعد دیگر کمنٹیٹرز کو بھی کورونا ٹیسٹ کرانے کی ہدایت کر دی گئی ہے۔
واضح رہے کہ ملک میں کورونا وائرس کے وار جار ی ہیں اور گذشتہ 24 گھنٹوں کے دوران کورونا وائرس کےمزید 1 ہزار 895 نئے کیسز سامنے آ گئے جس کے بعد پاکستان میں کورونا کے تصدیق شدہ کیسز کی تعداد 4 لاکھ 88 ہزار 529 ہوگئی جبکہ گذشتہ 24 گھنٹو ں میں کورونا وائرس نے مزید 39 افرادکو موت کی وادی میں دھکیل دیا جس کے بعد ملک میں اموات کی مجموعی تعداد 10 ہزار 350 ہوگئی۔
