تازہ تر ین

پی ڈی ایم سے کوئی خطرہ نہیں، دشمن کا ایجنڈا پورا کرنا چاہتے ہیں: عثمان بزدار

لاہور:وزیراعلیٰ پنجاب عثمان بزدار نے کہا ہے کہ پی ڈی ایم سے نہ کوئی مسئلہ ہے اورنہ ہی کوئی خطرہ،اپوز یشن کا احتجاج بے معنی ہے،انتشارکی سیاست کرنے والوں کو جوش کی بجائے ہوش سے کام لینا چاہیئے۔

لاہور سے جاری ایک بیان میں وزیراعلیٰ پنجاب عثمان بزدار نے کہا ہے کہ پی ڈی ایم کاٹولہ خود انتشار کا شکار ہوچکا ہے،بدقسمتی سے یہ عناصرملک کو عدم استحکام کی طرف لے جا کر دشمن کا ایجنڈا پورا کرنا چاہتے ہیں،اپوزیشن کی جانب سے نازک حالات میں قوم کوتقسیم کرنے کی کوشش قابل مذمت ہے ،ملک و قوم کے مفادات کو نقصان پہنچانے والے رہبر نہیں۔

وزیراعلیٰ پنجاب نے مزیدکہا ہے کہ اس وقت قوم کو اتحاد، اتفاق اور بھائی چارے کی جتنی ضرورت ہے پہلے کبھی نہ تھی،موجودہ حالات میں منفی سیاست کی ذرا سی بھی گنجائش نہیں ،انتشارکی سیاست کرنے والوں کو جوش کی بجائے ہوش سے کام لینا چاہیئے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved