تازہ تر ین

پی ایس ایل 6کے بقیہ میچز کراچی سے یواے ای منتقل کرنے کا فیصلہ

لاہور: ملک میں کرونا کے بڑھتے پھیلاؤ کے باعث پی سی بی نے پاکستان سپر لیگ کے بقیہ میچز متحدہ عرب امارات منتقل کرنے کا فیصلہ کیا ہے۔

شائقین کرکٹ کے لئے بُری خبر ہے کہ پی ایس ایل سکس کے بقیہ میچز کراچی سے یو اے ای منتقل کرنے کا فیصلہ کیا گیا ہے، یہ فیصلہ پی سی بی اور فرنچائز مالکان کے ورچوئل اجلاس میں ہوا، باہمی مشاورت کے بعد پی سی بی نے پی ایس ایل لیگ کے لیے امارات کرکٹ بورڈ کو خط لکھ دیا ہے۔

پاکستان کرکٹ بورڈ کی جانب سے لیگ کیلئےمجوزہ تاریخ میں اسٹیڈیمز،ہوٹلز کی دستیابی کی درخواست بھی دی گئی ہے، فیصلے سے قبل پی سی بی نے کراچی کے ہوٹلز میں پی ایس ایل کیلئے کرائی گئی بکنگ کینسل کردی تھی۔

ذرائع کا کہنا ہے کہ پی ایس ایل مکمل کرنےکے لیے رواں سال پی سی بی کے پاس کوئی اور ونڈو نہیں ہے، قومی کرکٹ ٹیم کی عالمی مصروفیات کی وجہ سے ونڈو تلاش کرنا مشکل ہے، یہی وجہ ہے کہ لیگ کرانے کے لیےمیچز یو اے ای منتقل کرنے کا آپشن استعمال کیا گیا جبکہ فرنچائزز بھی یواے ای میں لیگ کرانے میں دلچسپی ظاہر کی تھی۔

ترجمان ایمرٹس کرکٹ بورڈ نے اے آر وائی نیوز سے خصوصی گفتگو میں پی سی بی کے خط کی تصدیق کرتے ہوئے کہا کہ یو اے ای میں پی ایس ایل سیزن سکس کرانے کےلئے تیار ہیں، پی سی بی کی سفارشات مکمل کریں گے، پی ایس ایل سیزن سکس کے میچز شاندار طریقےسے ہونگے۔

اضح رہے کہ گزشتہ دنوں پی ایس ایل فرنچائزز نے بھی پی سی بی کو خط لکھا تھا جس میں انہوں نے پی ایس ایل ملتوی کرنے یا پھر میچز یواے ای منتقل کرنے کا مطالبہ کیا تھا۔

یاد رہے کہ پی ایس ایل کا چھٹا ایڈیشن ابتدائی 14میچ کے بعد ملتوی ہوگیا تھا۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved