واشنگٹن : (نیٹ نیوز) امریکہ نے افغانستان سے سفارتی عملے کے انخلا کیلئے فوجی بھیجنے کا اعلان کیا ہے۔
تفصیلات کے مطابق امریکا نے افغانستان سے اپنے سفارتی عملے اور شہریوں کو نکالنے کے لیے کابل ایئرپورٹ پر 3 ہزار فوجی تعینات کرنے کا فیصلہ کیا ہے
ذرائع کے مطابق امریکی فوجیوں کو افغانستان بھیجنے کا مقصد سفارتی عملے کا انخلا اور تحفظ ہے۔
امریکی صدر جوبائیڈن نے فوجی بھیجنے کے حکم نامے پر دستخط کر دیئے ہیں۔
واضح رہے کہ امریکی فوجی اہلکار برطانوی شہریوں کے انخلا میں بھی مدد کریں گے۔
اس کے علاوہ امریکی فوجیوں کی تعیناتی سے متعلق امریکی محکمہ خارجہ نے بھی تصدیق کردی ہے، امریکی فوجی اہلکار 24 سے 48 گھنٹے میں کابل ایئر پورٹ پر پہنچ جائیں گے۔
اس موقع پر برطانیہ نے بھی افغانستان سے سفارتی عملے کے انخلا کا اعلان کیا ہے۔
برطانوی وزارت دفاع کا کہنا ہے کہ سفارتی عملے کے محفوظ انخلا کے لیے 600 فوجی بھیجے جائیں گے۔
