لاہور : چوہنگ میں ماں بیٹی سے زیادتی کے واقعے میں ملوث رکشہ ڈرائیورکی شناخت ہوگئی جبکہ اس کے ساتھی عمر کو گرفتار کر لیا گیا ہے جبکہ رکشہ ڈرائیور کی گرفتاری کیلئے چھاپے جاری ہے.
تفصیلات کے مطابق چوہنگ میں ماں بیٹی سےزیادتی کے واقعےمیں ملوث دوسرےملزم رکشہ ڈرائیورکی شناخت ہوگئی ، رکشہ ڈرائیورکی شناخت منصب کےنام سےہوئی، پولیس کا کہنا ہے کہ ملزمان کاتعلق پاکپتن اور ساہیوال سے ہے۔
پولیس نے چوہنگ کےعلاقےمیں ماں بیٹی سے رکشہ ڈرائیور اور ساتھی کی زیادتی کے واقعے میں ملوث ایک ملزم عمر کو گرفتار کر لیا ہے ، گرفتارملزم عمر کو کل عدالت میں پیش کیاجائےگا، جہاں ملزم کوشناخت پریڈکیلئےجیل بھجوانےکی استدعاکی جائے گی۔
آئی جی پنجاب کا کہنا ہے کہ دوسرےملزم کی گرفتاری کیلئےٹیمزمتعددعلاقوں میں چھاپےمار رہی ہے، مقدمےمیں گینگ ریپ،دہشتگردی سمیت دیگرسنگین دفعات شامل کی گئیں ہیں۔
انعام غنی نے بتایا کہ گذشتہ شب 15پراطلاع ملتےہی پولیس جائے وقوعہ پر پہنچیں اور فوری کارروائی عمل میں لائی ، فارنزک ٹیم نےشواہداکٹھے کرلیے ہیں جبکہ متاثرہ خواتین کا میڈیکل بھی کروالیا گیا ہے۔
آئی جی پنجاب نے کہا ملوث ملزمان کوسزا دلوانےمیں پولیس کوئی کسر نہیں اٹھا رکھےگی،آئی جی پنجاب
دوسری جانب چائلڈپروٹیکشن بیورو نے چوہنگ میں وہاڑی کی رہائشی ماں بیٹی سےمبینہ زیادتی کانوٹس لے لیا ہے، چیئرپرسن سارہ احمد کا کہنا ہے کہ ماں اور 15سالہ بیٹی سےمبینہ زیادتی افسوسناک ہے، چائلڈ پروٹیکشن ٹیم متاثرہ فیملی سے رابطہ کرے گی اور پولیس کی جانب سےتمام ملزمان کوجلدگرفتارکرلیاجائےگا۔
