ٹی ٹوئنٹی ورلڈکپ کے سپر 12 مرحلے میں بھارت نے اسکاٹ لینڈ کو 8 وکٹوں سے شکست دے دی ہے۔
تفصیلات کے مطابق دبئی میں کھیلے گئے اس میچ میں بھارت نے ٹاس جیت کر پہلے اسکاٹ لینڈ کو بیٹنگ کی دعوت دی۔
بھارت کی باؤلنگ کے سامنے اسکاٹش بلے باز بے بس نظر آئے اور پوری ٹیم 18 ویں اوور میں 85 رنز بنا کر آل آؤٹ ہو گئی۔
اسکاٹ لینڈ کی جانب سے جورجے مونسے 24 رنز بنا کر نمایاں رہے، مچل لیسک 21 ،جبکہ کپتان کوئٹزر نے صرف 3 رنز بنائے۔
اسکاٹ لینڈ کے 7 بلے باز ڈبل فگر میں بھی داخل نہ ہو سکے۔
بھارت کی جانب سے محمد شامی اور رویندر جڈیجا نے 3،3 وکٹیں حاصل کیں ،جیسپرت بمراہ2، جبکہ ایشون نے 1 وکٹ حاصل کی۔
ہدف کے تعاقب میں بھارتی اوپنرز نے جارحانہ آغاز کیا۔
اسکاٹ لینڈ کی جانب سے دیا ہوا ہدف بھارت نے 7ویں اوور میں 2 وکٹوں کے نقصان پر حاصل کر لیا۔
بھارت کی جانب سے کے ایل راہول نے برق رفتار 19 گیندوں پر 50 رنز بنائے،روہیت شرما 30 جبکہ سوریاکمار یادو 6 رنز بنا کر ناقابل شکست رہے۔
اسکاٹ لینڈ کی جانب سے مارک واٹ اور براڈ ویل نے 1،1 وکٹ حاصل کی۔
بھارت کے رویندر جڈیجا کو 3 وکٹیں حاصل کرنے پر میچ کا بہترین کھلاڑی قرار دیا گیا۔
