تفصیلات کے مطابق
ڈسٹرکٹ پولیس آفیسر مظفرگڑھ نے دوران تفتیش خاتون سے مبینہ طور پر زبردستی اسلحہ کے زور پر زیادتی کرنے والے اے ایس آئی امتیاز سرانی کو فوری معطل کر کے کلوز ٹو لائن کردیا اور مقدمہ نمبر 1114/21 تھانہ سٹی کوٹ ادو درج کردیا۔
تفصیل کے مطابق ترجمان ڈسٹرکٹ پولیس مظفرگڑھ نے بتلایا کہ اے ایس آئی امتیاز سرانی مقدمہ کی تفتیش کے سلسلہ میں مدعیہ کے گھر گیا اور اسلحہ کے زور پر مبینہ طور پر زبردستی مدعیہ کو زیادتی کا نشانہ بنایا۔ اطلاع ملنے پر ڈسٹرکٹ پولیس آفیسر مظفرگڑھ نے فوری نوٹس لیا اور اے ایس آئی کو معطل کرکے کلوز لائن کردیا ۔ محکمانہ انکوائری کے ساتھ مذکورہ اے ایس آئی پر اندراج مقدمہ زیر دفعہ 376(4) اور450ت پ تھانہ سٹی کوٹ ادو میں درج کر لیا گیا ۔جس کی سزا عمر قید یا سزائے موت ہے۔قانون سب کے لئے برابر ہے۔ پولیس میں ایسے بد کردار آفیسر کی گنجائش نہ ہے ایسے آفیسر محکمہ کے ماتھے پر بدنما داغ ہیں۔ایسے بدکردار آفیسرکے خلاف سخت محکمانہ اور ضابطہ فوجداری کے تحت کاروائی عمل میں لائی جا رہی ہے۔اور محکمہ سے برطرف کیا جائے گا۔ڈسٹرکٹ پولیس آفیسر مظفرگڑھ۔
