اسلام آباد(ملک منظوراحمد)اسلام آبادمیں تعینات سری لنکاکے ہائی کمشنرایڈمرل ریٹائرڈ موہن ویجی وکراما نے کہاہے کہ سیالکوٹ میں سری لنکن شہری کے وحشیانہ قتل پرپوری سری لنکاکی عوام شدید صدمے سے دوچارہے۔اس وحشیانہ قتل میں ملوث افرادکو عبرتناک سزادی جائے۔ میں وزارت خارجہ ، وزارت داخلہ اوردیگراعلی حکام سے رابطے میں ہوں۔یہ انتہائی قابل مزمت واقعہ ہے۔سری لنکاکی قیادت کوحکومت پاکستان نے یقین دہانی کروائی ہے کہ اس انتہائی اندوہناک،افسوسناک اورشرم ناک واقعہ کی انتہائی شفاف،غیرجانبدارانہ تحقیقات کویقینی بنایاجائے گا۔پاکستان اورسری لنکاکے ہردورمیں دوستانہ اورانتہائی قابل فخرتعلقات رہے ہیں۔اس اندوہناک واقعہ پرپاکستانی قوم میں بھی غم و غصہ پایاجاتاہے۔سری لنکاکی عوام نے ہمیشہ پاکستان کاساتھ دیاہے۔عوامی سطح پربھی انتہائی دوستانہ تعلقات ہیں۔”خبریں”کوانٹرویودیتے ہوئے سری لنکن ہائی کمشنرموہن ویجی وکراما کاکہنا تھاکہ مجرم قانون کی گرفت سے نہیں بچنے چاہیے۔ہمیں وزیراعظم عمران خان کی یقین دہانی پراعتماداوریقین ہے۔ہمارے ایک معصوم شہری کوجس بیدردی سے قتل کیاگیااس پرہم بہت دکھی ہیں۔انہوں نے حکومت پاکستان سے مطالبہ کیاکہ پاکستان میں موجود دیگرسری لنکن ورکرزکے تحفظ کویقینی بنایاجائے۔ہمارے ورکرزپاکستان کی تعمیروترقی میں اہم کرداراداکرہے ہیں۔ایک اورسوال کے جواب میں انہوں نے کہاکہ طویل عرصے سے سری لنکااورپاکستان کے درمیان سیاسی،سفارتی،تجارتی تعلقات کوبہت فروغ ملاہے۔دوطرفہ تجارت میں بھی اضافہ ہواہےانہوں نے اس عزم کااعادہ کیاکہ پاکستان اورسری لنکاکے درمیان ہمارے دشمن دراڑیں پیدانہیں کرسکتے،خطے میں پائیدارامن اوراستحکام کے لیے پاکستان کاکردار اہمیت کاحامل ہے۔
