امریکہ میں نئے ویرئینٹ اومیکرون سے متاثرہ افراد کی تعداد دس لاکھ سے تجاوز کر گئی ہے۔
جونز ہاپکنز یونیورسٹی کے مطابق پیر کے روز امریکہ میں 1080211 افراد میں اومیکرون کی تصدیق ہوئی جو پوری دنیا سے زیادہ ہے۔
یونیورسٹی کے ترجمان کا کہنا تھا کہ اومیکرون کے سب سے زیادہ متاثرین امریکہ کے شہری ہیں۔
برطانوی نشریاتی ادارے کا کہنا ہے کہ لاکھوں کی تعداد میں کیسز کا آنا خطرناک صورتحال ہے۔
جونزہاپکنز یونیورسٹی نے مزید خبردار کرتے ہوئے کہا ہے کہ یہ ابھی ابتداء ہے اومیکرون کے پھیلاؤ میں ابھی مزید تیزی آئے گی۔
امریکہ کے وبائی امراض کے مشیر انتھونی فوسی نے کہا کہ امریکہ اس وقت نازک صورتحال سے گزر رہا ہے۔
مشیر انتھونی فوسی نے جنوبی افریقہ کی مثال دیتے ہوئے امید ظاہر کی جنوبی افریقہ میں یہ ویرئینٹ ظاہرہوا تھا لیکن اب صورتحال کنٹرول میں ہے۔
امریکی اسپتالوں میں نئے مریضوں کی آمد کے حوالے سے مشیر ڈاکٹر انتھونی فوسی نے کہا کہ ابھی اسپتالوں پر دباؤ نہیں ہے۔
ڈاکٹر انتھونی فوسی کا کہنا تھا کہ اب تک کی تحقیقات کے مطابق نیا ویرئینٹ اومیکرون انڈین ڈیلٹا وائرس کے مقابلے میں کم خطرناک ہے، اور اموات کی شرح انتہائی کم ہے۔
جونز ہاپکنز یونیورسٹی کے مطابق گزشتہ ہفتے میں اس وائرس سے 8652 افراد کی موت واقع ہوئی ہے۔
کیسز کا پچھلا ریکارڈ 590000 ہزار تھا جو چار روز قبل ریکارڈ کیا گیا تھا۔
امریکہ سے باہر مریضوں کی سب سے زیادہ تعداد انڈین ویرئینٹ ڈیلٹا کے دوران آئی تھی۔
ڈیلٹا وائرس سے مئی 2021 میں 414188 افراد میں اس بیماری کی تشخیص ہوئی تھی۔
