دبئی: (ویب ڈیسک) آئی سی سی نے ون ڈے ٹیم آف دی ایئر کا اعلان کردیا ،بابر اعظم کو ٹیم کا کپتان مقررکیا گیا ہے۔
بابر اعظم نے ایک اور اعزاز اپنے نام کر لیا، نمبر ون بلے باز آئی سی سی ون ڈے ٹیم آف دی ایئر کے کپتان مقرر کئے گئے ہیں۔ پاکستان کی جانب سے فخر زمان بھی ٹیم میں شامل ہیں۔قومی کپتان نے 6 ون ڈے میچز میں 67 کی اوسط سے 405 رنز بنائے،فخر زمان نے 6 میچز میں 365 رنز بنانے کے ساتھ جنوبی افریقہ کے خلاف 193 رنز کی یادگار اننگز کھیلی۔
سال کی بہترین11 رکنی ٹیم میں بنگلا دیش کے شکیب الحسن، مشفیق الرحیم اور مستفیض الرحمان بھی شامل ہیں۔ سری لنکا کے سٹار کھلاڑی ونندو ہاسارنگا اور دشمنتھ چمیرا بھی ٹیم کا حصہ ہیں۔ آئرلینڈ کے پال اسٹرلنگ ،سمی سنگھ جبکہ جنوبی افریقہ کے جانیمن ملان اور وین ڈوسن بھی سال کی بہترین ٹیم میں شامل ہیں۔ ٹی 20 کی طرح ون ڈے ٹیم آف دی ایئر میں بھی کوئی بھارتی کرکٹر شامل نہیں کیا گیا۔
