سابق صدر آصف علی زرداری نے کہا ہے کہ حکومت کسانوں کو کھاد مہیا کرنے میں ناکام ہوگئی ہے۔
آصف علی زرداری نے کسان ٹریکٹر مارچ پر پیغام جاری کرتے ہوئے کہا کہ کسانوں کو محنت کا پھل نہ ملنا انتہائی ناانصافی اور کسانی کا معاشی استحصال ہے، حکومت کسانوں کو کھاد مہیا کرنے میں ناکام ہوگئی ہے۔
انہوں نے کہا کہ خوشحال کسان زرعی طور پر مستحکم پاکستان کی ضمانت ہے، پاکستان پیپلز پارٹی کسانوں سے انصاف کی روایت برقرار رکھے گی، پیپلز پارٹی کسانوں کو اپنی فصلوں کو مارکیٹ تک رسائی کو آسان بنائے گی۔
سابق صدر آصف علی زرداری کا مزید کہنا تھا کہ زرعی طور پر مضبوط پاکستان پیپلز پارٹی کا منشور ہے، کسان ٹریکٹر مارچ کا مقصد کسانوں کے ساتھ ناانصافیوں کے خلاف آواز بلند کرنا ہے۔
