زرعی یونیورسٹی فیصل آباد میں سالانہ گرے ہاونڈز ریسنگ ٹورنامنٹ کا انعقاد

فیصل آباد: (ویب ڈیسک) ریس کورس زرعی یونیورسٹی فیصل آباد میں سالانہ گرے ہاونڈز ریسنگ ٹورنامنٹ کا انعقاد کیا گیا، کنٹری بریڈ اور امپورٹڈ گرے ہاونڈز نے ریس میں حصہ لیا۔
سالانہ گرے ہاونڈز ریس میں ملک بھر سے گرے ہاونڈز مالکان اپنے شکاری کتوں کو لے کر پہنچے، مصنوعی خرگوش پر برق رفتاری سے لپکتے گرے ہاونڈز کو اختتامی لائن کی جانب بڑھتے دیکھ کر شائقین کے دلوں کی دھڑکنیں بھی تیز ہو گئیں۔ گرے ہاونڈز مالکان کا کہنا تھا کہ یہ صدیوں پرانا شوق ہے پاکستان میں مختلف ممالک سے گرے ہاونڈز منگواکر ریس کروائی جاتی ہے۔
گرے ہاونڈز ریس کے مہمان خصوصی سیکرٹری صوبائی محتسب آصف اقبال چوہدری کا کہنا تھا کہ پاکستان میں اب یہ شوق ترویج پارہا ہے جو خوش آئند ہے۔
ڈوری کی مدد سے مصنوعی خرگوش کو جب دوڑایا جاتا ہے تو پیچھا کرتے گرے ہاونڈز بھی ہوا سے باتیں کرنے لگتے ہیں۔