عقیدہ ختم نبوت اسلام کے بنیادی ‘قطعی عقائد میں سے ہے:مقررین

لاہور (خبرنگار) عالمی مجلس تحفظ ختم نبوت مانگامنڈی لاہور کے زیراہتمام مانگا منڈی اور گردونواح کی مختلف مساجد میں خطباتِ جمعہ کا خصوصی اہتمام کیا گیا جس میں مبلغینِ ختم نبوت لاہور مولانا عبدالنعیم، مولانا عبدالعزیز، مولانا مفتی محمد حمزہ ذکی، مولانا محمد سمیع اللہ اور بھائی محمد حامد بلوچ رابطہ کمیٹی مانگامنڈی مولانا ابوبکر صدیق علوی’ مولانا محمد ارشد’ مولانا عابد ارشاد’ مولانا احسان اللہ’ مولانا پیر محمد اقبال’ مولانا عبدالواجد ہزاروی سمیت دیگر مقررین نے عقیدہ ختم ِ نبوت کی اہمیت و عظمت پر تفصیلی خطاب کیا۔ مقررین نے اپنے خطابات میں کہا کہ عقیدہ ختم نبوت اسلام کے بنیادی اور قطعی عقائد میں سے ہے۔ اس عظیم عقیدے کی صحیح تفہیم، اس کی اہمیت کو عام کرنا اور نئی نسل کو اس کے تقاضوں سے آگاہ کرنا وقت کی اہم ضرورت ہے۔ اسی طرح آئین و قانون کے منافی اور اسلام مخالف سرگرمیوں اور گمراہ کن پروپیگنڈے سے عوام کو آگاہ کرنا بھی ہماری دینی و ملی ذمہ داری ہے۔ قادیانی اور ان کے سرپرست اپنی آخرت کی فکر کریں، قادیانیوں سے دوستی رکھنا یہ اسلام سے غداری کے مترادف ہے۔ مانگا منڈی میں3 اکتوبر کو منعقد ہونے والی عظیم الشان ختم نبوت کانفرنس اسی سلسلہ دعوت و آگاہی کی ایک اہم کڑی ہے’ کانفرنس کی تیاریاں عروج پر ہیں کانفرنس اتحاد امت کا عملی مظاہرہ ہوگی تمام مکاتب فکر کے جید علما و مشائخ شرکت وخطاب کرینگے جس کی تیاریوں کے سلسلے میں رابطہ کمیٹی عالمی مجلس تحفظ ختم نبوت مانگامنڈی کی شب و روز مسلسل کاوشیں جاری ہیں۔ اس موقع پر شمعِ ختم ِ نبوت کے پروانوں، عاشقانِ رسولۖ، علما، طلبہ، نوجوانان اور اہلِ مانگا منڈی و قرب و جوار سے پرزور اپیل کی جاتی ہے کہ حسبِ سابق اس عظیم الشان کانفرنس کی کامیابی کے لیے اپنا بھرپور کردار ادا کریں۔ اپنے احباب و متعلقین کو شرکت کی دعوت دیں اور عقیدہ ختم ِ نبوت کے تحفظ کے اس عظیم مشن میں اپنا حصہ شامل کریں۔3 اکتوبر کو مانگا منڈی کرکٹ گرائونڈ میں جمع ہوکر عقیدہ ختم نبوت سے اپنی وابستگی کا اظہار کریں۔