کراچی: (ویب ڈیسک) پاکستان کرکٹ ٹیم کے سابق کپتان اور کوئٹہ گلیڈی ایٹرز کے آل راؤنڈر شاہد آفریدی کا اینٹی جین ٹیسٹ منفی آگیا، انہوں نے سکواڈ جوائن کرلیا اور وہ اگلے میچ کے لئے ٹیم کو دستیاب ہونگے۔
کوئٹہ گلیڈی ایٹرز کے سینئر کھلاڑی شاہد خان آفریدی 3 روزہ آئسولیشن مکمل نہیں کریں گے اور 3 فروری کو اسلام آباد سے ہونے والے میچ کیلئے ٹیم کو دستیاب ہونگے۔
انگلینڈ کے جیمز ونس اور جیسن رائے کل کراچی پہنچیں گے ، ونس کا ہوٹل میں اینٹی جین ٹیسٹ ہوگا ، منفی آنے کی صورت میں وہ 3 فروری کو اسلام آباد سے شیڈول میچ میں ٹیم کو دستیاب ہونگے ، جبکہ جیسن رائے کو 3 روز کا قرنطینہ مکمل کرنا ہوگا اور اس دوران ان کا پی سی آر ٹیسٹ بھی ہوگا۔
ان ٹیسٹوں کےنتائج جلد معلوم ہو جاتے ہیں اور اس میں زیادہ سے زیادہ 30 منٹ کا وقت درکار ہوتا ہے، لیکن یہ نتائج RT-PCR ٹیسٹ کے مقابلے میں زیادہ درست نہیں ہوتے ہیں۔ اِس کا مطلب یہ ہے کہ اس ٹیسٹ سے تمام انفیکشن کا پتہ نہیں چلایا جا سکتا، لہٰذا اس بات کا امکان رہتا ہے کہ بعض افراد میں کوویڈ19 کا وائرس موجود ہو لیکن نتیجہ نگیٹو ہو۔
اِسی طرح اس بات کا امکان بھی ہوتا ہے کہ مذکورہ شخص کوویڈ 19 کے علاوہ کسی دوسرے وائرس سے متاثر ہوا ہو، مثلاً ایسا وائرس جو عام نزلہ کا باعث بنتا ہے، ایسی صورت میں بھی کوویڈ 19 کا ٹیسٹ پازیٹو ہو سکتا ہے ۔
