لاہور: (ویب ڈیسک) پاکستان سپر لیگ(پی ایس ایل) کےساتویں ایڈیشن کے دوسرے مرحلے میں پشاور زلمی نے کوئٹہ گلیڈی ایٹرز کو جیت کیلئے 186 رنز کا ہدف دے دیا۔
لاہور کے قذافی اسٹیڈیم میں کھیلے جارہے میچ میں زلمی کے کپتان وہاب ریاض نے ٹاس جیتا اور پہلے بیٹنگ کا فیصلہ کیا۔
زلمی نے مقررہ 20 اوورز میں7 وکٹوں پر 185 رنز بنائے،شعیب ملک 58 رنز بناکر نمایاں رہے۔
زلمی کا آغاز بالکل اچھا نہ تھا، اوپنر حضرت اللہ ززئی ایک جبکہ لیام لیونگسٹن صفر پر پویلین لوٹے۔
2 وکٹیں گرنے کے بعد محمد حارث اور تجربے کار بیٹر شعیب ملک کے درمیان 52 رنز کی شراکت داری قائم ہوئی تاہم حارث 17 گیندوں پر 29 رنز بناکر آؤٹ ہوگئے جبکہ شعیب ملک نے 58 رنز کی اننگز کھیلی۔
اس کے علاوہ حسین طلعت 32 گیندوں پر 51 رنز بناکر آؤٹ ہوئے جبکہ اختتامی اوور میں بین کٹنگ کی جارحانہ بیٹنگ کی بدولت زلمی نے مقررہ اوورز میں 185 رنز بنائے، وہ 14 گیندوں پر 36 رنز بناکر پویلین لوٹے۔
پی ایس ایل7: زلمی کا کوئٹہ گلیڈی ایٹرز کو جیت کیلئے 186 رنز کا ہدف
