کرائسٹ چرچ: (ویب ڈیسک) نیوزی لینڈ نے جنوبی افریقہ کو پہلے ٹیسٹ میں ایک اننگز اور 276 رنز سے شکست دے دی، میٹ ہنری مین آف دی میچ قرار دیئے گئے۔
کرائسٹ چرچ ٹیسٹ میں جنوبی افریقی بلے باز کیوی بالرز کے آگے بے بس ہوگئے۔ پہلی اننگز کی ناکامی کے بعد دوسری اننگز میں بھی مہمان ٹیم 111 رنز پر آل آؤٹ ہوگئی، ٹم ساؤتھی نے 5 اور میٹ ہنری نے 2 شکار کیے۔
اس سے قبل نیوزی لینڈ نے پہلی اننگز میں 482 رنز اسکور کیے تھے، دو ٹیسٹ میچز کی سیریز میں میزبان کیویز کو ایک صفر کی برتری حاصل ہوگئی ہے۔
