گیس کمپنیوں کے لئے ماہ اپریل میں ایل این جی کی قیمتوں میں کمی

اسلام آباد: (ویب ڈیسک) اوگرا نے اپریل کے لئے گیس کمپنیوں کے لئے ایل این جی کی قیمت میں کمی کر دی، سوئی نادرن اور سوئی سدرن کے لئے ایل این جی 0.20 ڈالر فی ایم ایم بی ٹی یو سستی کردی گئی ہے۔
اوگرا نے اپریل میں گیس کمپنیوں کے لئے ایل این جی کی نئی قیمتیں جاری کردی ہیں، سوئی نادرن کے لئے ایل این جی کی نئی قیمت 15.61 ڈالر فی ایم ایم بی ٹی یو مقرر کی گئی ہے۔ اس سے قبل مارچ میں سوئی نادرن کے لئے ایل این جی کی قیمت 15.81 ڈالر فی ایم ایم بی ٹی یو مقرر تھی۔
اوگرا کی جانب سے سوئی سدرن کے سسٹم پر اپریل کے لئے ایل این جی کی نئی قیمت 16.91 ڈالر فی ایم ایم بی ٹی یو مقرر کردی گئی ہے، اس سے قبل مارچ میں سوئی سدرن کے لئے ایل این جی کی قیمت 17.11 ڈالر فی ایم ایم بی ٹی ہو مقرر تھی۔ اوگرا نے اپریل کے لئے ایل این جی کی نئی قیمتوں کا نوٹیفکیشن بھی جاری کر دیا ہے۔