ورلڈ بینک نے پاکستان کی اقتصادی ترقی کی شرح میں 1 فیصد کی کمی کردی اور 2023 میں ترقی کی شرح مزید گرنے کا خدشہ ظاہر کردیا۔
تفصیلات کے مطابق ورلڈ بینک نے اپنی اقتصادی رپورٹ جاری کر دی، جس میں پاکستان کی 2020 میں اقتصادی ترقی کی شرح ایک فیصد کم کر کے چار اعشاریہ تین فیصد تک کر دی گئی ہے۔
رپورٹ میں کہا گیا کہ 2023 میں یہ ترقی کی شرح مزید گر کر چار فیصد تک رہنے کا خدشہ ہے ، سابق حکومت نےتوانائی میں سبسڈی سے بجٹ پراضافی بوجھ اور آئی ایم ایف کے پروگرام کو بھی خطرہ میں ڈالا ہے ، قیمتوں میں کٹوتی،سبسڈیزکی فنانسنگ بجٹ پراضافی بوجھ پیداکرسکتی ہے۔
ورلڈ بینک نے اپنی رپورٹ میں تسلیم کیا کہ بڑھتی ہوئی قیمتوں اور سیاسی چیلنجز نے عمران خان کی حکومت کو بجلی اور تیل میں ریلیف دینے پر مجبور کیا تاہم قیمتوں میں ریلیف آگے بڑھتے ہوئے مالیاتی خطرات کو بڑھا سکتے ہیں۔
رپورٹ میں مزید کہا گیا کہ روس یوکرین تنازع سے جنوبی ایشیا کے ممالک میں اقتصادی ترقی کی شرح مزید سست ہوسکتی ہے۔۔