کراچی: (ویب ڈیسک) قومی ویٹ لفٹر طلحہ طالب نے ڈوپ ٹیسٹ مثبت آنے کا معاملے پر پاکستان ویٹ لفٹنگ فیڈریشن کو وضاحتی خط لکھ دیا۔
قومی ویٹ لفٹر طلحہ طالب نے خط میں کہا ہے کہ14مارچ کو فیڈریشن نے آئی ٹی اے کی جانب سے معطلی کے بارے میں آگاہ کیا۔اس وقت میں شدید صدمہ سے دوچار ہوں۔
طلحہ طالب کا کہنا ہے کہ میں نے دانستہ کوئی غیر قانونی ادوایات کا استعمال نہیں کیا۔لیبارٹری کے ٹیسٹ پر اعتماد ہے بی سیمپل کی درخواست نہیں کروں گا۔
انہوں نے خط میں درخواست کی ہے کہ میرے کیس کو رحمدلی سے سنا جائے۔میں دیسی گھی میں پکا ہوا بکرے کا گوشت کثرت سے استعمال کرتا ہوں۔فیڈریشن پروٹین کا ٹیسٹ کروانے کیلئے مدد فرمائے ۔
ان کا کہنا ہے کہ طبی ماہرین سے مشاورت کیلئے فیڈریشن کے تعاون کی ضرورت ہے۔اس سے پہلے میرے 9 دفعہ ڈوپ ٹیسٹ ہوچکے ہے اور ہر بار نتیجہ منفی رہا ہے۔
