کراچی: (ویب ڈیسک) ملک بھرمیں روپے کے مقابلے میں امریکی ڈالر کی قیمت کو پر لگ گئے۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹربینک میں روپے کے مقابلے میں امریکی ڈالر کی قیمت میں 90 پیسے کا اضافہ دیکھا گیا۔
اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 186 روپے 63 پیسے سے بڑھ کر 187 روپے 53 پیسے ہو گئی ہے۔
انٹربینک مارکیٹ میں 9 مئی کو سعودی ریال کی قدر 49.99 روپے، اماراتی درہم 51.05، کویتی دینار 610.83، عمانی ریال 487.71، بحرینی دینار 497.41 اور برطانوی پاؤنڈ 230.25 روپے کا رہا۔
دوسری طرف اوپن مارکیٹ میں امریکی کرنسی 1روپے 30 پیسے ہو گئی ہے جبکہ قیمت 188روپے 30 پیسے پر پہنچ گئی ہے۔
