قومی ٹیم کے کھلاڑیوں کے سینٹرل کنٹریکٹ کا اعلان جمعرات کو ہوگا

لاہور: (ویب ڈیسک) پاکستان کرکٹ بورڈ (پی سی بی) قومی ٹیم کے کھلاڑیوں کے سینٹرل کنٹریکٹ کا اعلان جمعرات کو کرے گا، کھلاڑیوں کی تعداد 20 سے بڑا کر 33 کر دی گئی۔
چیئرمین سلیکشن کمیٹی محمد وسیم پنڈی میں پریس کانفرنس میں تفصیلات سے آگاہ کریں گے، ریڈ بال اور وائٹ بال کرکٹ میں کھلاڑیوں کو الگ الگ کنٹریکٹ دیے جائیں گے، نوجوان کھلاڑیوں کے لیے اضافی کیٹگری ڈی متعارف کرائی گئی ہے۔
نان پلیئنگ الیون کی میچ فیس بھی بڑھائی جائے گی، ویمنز کرکٹ میں بھی کھلاڑیوں کی تعداد 20 سے 25 کر دی گئی اور کنٹریکٹ میں 15فیصد اضافہ ہوگا جبکہ مرد کھلاڑیوں کے کنٹریکٹ میں دس فیصد اضافہ ہوگا، یہ کنٹریکٹ یکم جولائی 22 20 سے 30 جون 2023 تک دیے جائیں گے۔