کراچی: (ویب ڈیسک) ملک بھر میں روپے کے مقابلے میں امریکی ڈالر کی قدر بڑھنے کے بعد فی تولہ سونے کی قیمت میں بڑی تیزی ریکارڈ کی گئی اور قیمت تاریخ کی نئی بلند ترین سطح پر پہنچ گئی ہے۔
تفصیلات کے مطابق بین الاقوامی مارکیٹ میں فی اونس سونےکی قیمت میں 19ڈالرکا اضافہ دیکھا گیا اور نئی قیمت 1740ڈالر پر پہنچ گئی ہے۔
عالمی مارکیٹ میں قیمتیں بڑھنے کے بعد صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا سمیت دیگر جگہوں پر فی تولہ سونے کی قیمت میں 8 ہزار 500 روپے اضافہ ریکارڈ کیا گیا اور نئی قیمت 1 لاکھ 60 ہزار 500 روپے ہوگئی ہے۔
اُدھر 10گرام سونےکی قیمت 7 ہزار 288 روپےکے اضافے سے 1لاکھ37 ہزار 603 روپے ہوگئی ہے۔
