کراچی: (ویب ڈیسک) ملک بھر میں ایک مرتبہ پھر فی تولہ سونے کی قیمت میں چار سو روپے کی کمی ریکارڈ کی گئی۔
تفصیلات کے مطابق بین الاقوامی مارکیٹ میں مسلسل تیسرے کاروباری روز کے دوران فی اونس سونے کی قیمت میں 14 ڈالر کا اضافہ دیکھا گیا اور نئی قیمت 1791 ڈالر فی اونس ہو گئی ہے۔
عالمی مارکیٹ میں قیمتیں بڑھنے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر جگہوں پر فی تولہ سونے کی قیمت میں 400 روپے کی کمی ریکارڈ کی گئی اور نئی قیمت 1 لاکھ 43 ہزار 100 روپے ہو گئی ہے۔
دوسری طرف دس گرام سونے کا بھاؤ 343 روپےکم ہوکر 1لاکھ22ہزار 685 روپے ہو گیا ہے۔
