کراچی: (ویب ڈیسک) سیریز کے تیسرے ٹی ٹوئنٹی میچ میں مہمان انگلینڈ نے پاکستان کو جیت کے لیے 222 رنز کا پہاڑ جیسا ہدف دے دیا۔
انگلش اوپنر فل سالٹ 8 رنز بنا کر محمد حسنین کی گیند پر کیچ آؤٹ ہوئے جبکہ ڈیوڈ ملان 14 رنز بنا کر عثمان قادر کی گیند پر پویلین لوٹ گئے۔ الیکس ہیلز کی جگہ ٹیم میں شامل ہونے والے وِل جیکس 40 رنز بنا کر آؤٹ ہوئے۔
مڈل آرڈر بلے باز بین ڈکٹ 69 اور ہیری بروک 88 رنز بنا کر ناقابل شکست رہے، دونوں کھلاڑیوں کے درمیان چوتھی وکٹ کی شراکت میں 139 رنز بنائے گئے۔
پاکستان کی جانب سے فاسٹ بولر شاہنواز دھانی سب سے مہنگے ترین بولر ثابت ہوئے، انہوں نے اپنے 4 اوورز میں 62 رنز دیے اور کوئی وکٹ حاصل نہیں کی۔
تیسرا ٹی 20: انگلینڈ کا پاکستان کو جیت کیلئے 222 رنز کا پہاڑ جیسا ہدف
