فوڈ پانڈا اور کوکا-کولا کے درمیان طویل المیعاد اشتراک قائم

لاہور: (ویب ڈیسک) دی کوکا-کولا کمپنی اور فوڈ پانڈا کے درمیان طویل المیعاد اشتراک ہوگیا ہے۔اس اشتراک کے تحت فوڈ پانڈا کے صارفین،کو خصوصی آفرز اور ڈسکاؤنٹس فراہم کئے جائینگے۔
اس اشتراک سے متعلق اظہار خیال کرتے ہوئے فوڈ پانڈا کے سی ای او مثقیٰ پراچہ نے کہا ”پاکستان میں صارفین کا خریداری سے متعلق رجحان مسلسل تبدیل ہورہا ہے،جس کی وجہ سے فوڈ ڈلیوری پلیٹ فارمزاپنی سہولت اور پہلے سے بہتر خدمات کی بدولت صارفین میں مسلسل مقبول ہورہے ہیں۔پاکستان کی سب سے بڑی آن لائن ڈلیوری سروس کے طور پر ہم صارفین میں سب سے بڑے برانڈ،کوکا-کولاکے ساتھ اشتراک قائم کرنے پر انتہائی خوش ہیں،اس اشتراک کی بدولت صارفین،ملک بھر میں ہزاروں ریستورانز سے کھانے پینے کی پسندیدہ اشیاء منگوا سکیں گے۔“
دی کوکا-کولاپاکستان و افغانستان کے نائب صدر فہد اشرف نے کہا کہ”یہ اشتراک ترقی کی جانب گامزن مارکیٹ کیلئے قدرتی ملاپ ہے،جس کا انحصار ڈیجیٹل ٹیکنالوجی پر تیزی سے بڑھ رہا ہے،اس میں صارفین کو فود سے لے کر گروسریز کی خریداری تک با سہولت لائف اسٹائل کے انتخاب کی سہولت میسر ہے۔ہم نہ صرف خدمات کی فراہمی کے نظام میں وسعت لانے کے خواہاں ہیں بلکہ اپنے صارفین کیلئے خدمات کی فراہمی پہلے سے زیادہ معیاری بنانے کیلئے سرگرم ہیں،تاکہ وہ زیادہ خوش و خرم رہیں،اور با سہولت انداز سے فوڈ پانڈا جیسے پلیٹ فارمز پر موجود خدمات سے بوقت ضرورت مستفید ہوسکیں۔“
اس موقع پر کوکا-کولا آئزک پاکستان کے مارکیٹنگ ڈائریکٹر سید مصطفی عباس نے کہا’یہ شراکت داری ہمارے صارفین کی زندگیوں کو با سہولت بنانے میں کردار ادا کرے گی،بلکہ ساتھ ہی کوکا-کولا پراڈکٹس کی دستیابی میں اضافہ کا بھی باعث ہوگی،ہم نہ صرف سروس ڈلیوری سسٹم کو وسعت دے رہے ہیں بلکہ اپنے کسٹمرز کو فراہم کی جانے والے ڈلیوری سروس کے معیار کو مزید بہتر بنانے پر بھی کام کررہے ہی،تاکہ وہ اس پلیٹ فارم کو آسانی سے استعمال کرتے ہوئے اس سے فائدہ اٹھاسکیں۔“
کوکا-کولا اور فوڈ پانڈا پاکستان نے ملک بھر میں میجک میلز(#MagicMeals )مہم کی شروعات کے ساتھ اشتراک کیاہے،اس اشتراک کا مقصد یہ ہے کہ صارفین کھانے کے وقت لطف اندوز ہوں،انہیں ڈسکاؤنٹ کی سہولت میسر ہو،لنچ یا ڈنر کے موقع پر اپنے منتخب کھانے کے ساتھ ان کے پاس اپنی پسندیدہ کولڈ ڈرنک بھی موجود ہو،اگلے چند ماہ کے دوران صف اول کے یہ دونوں ادارے اہم تقریبات کے موقع پر مختلف مہموں پر توجہ مرکوز کریں گے،جس کی بدولت صارفین کیلئے کھانے کا مزا پہلے سے دوبالا ہوجائیگا۔