ایران کے وزیر خارجہ عباس عراقچی نے اردن کے وزیر خارجہ کے تبصروں کا جواب دیتے ہوئے کہا ہے کہ امریکا نہ تو عرب خودمختاری کا احترام کرتا ہے اور نہ ہی ایرانی خودمختاری کا۔
انہوں نے یہ سوال بھی اٹھایا کہ کیا اردن کے وزیر خارجہ اس بات سے لاعلم تھے کہ امریکا کے ابتدائی حملوں میں عرب فضائی حدود، زمین اور پانی استعمال کیے گئے، جن کے نتیجے میں ”معصوم ایرانیوں کا قتل“ ہوا۔
عراقچی نے کہا: ”اردن کے وزیر خارجہ کے خیال میں ایران کو ایسے جارح کے خلاف جواب دینے سے پہلے مزید کتنا وقت انتظار کرنا چاہیے جو نہ عرب خودمختاری کا احترام کرتا ہے اور نہ ایرانی خودمختاری کا؟“
