اسلا م آباد(نیوز ایجنسیاں )وفاقی وزیرِ خزانہ و محصولات سینیٹر محمد اورنگزیب نے گورنر اسٹیٹ بینک آف پاکستان کے ہمراہ امریکی محکمہ خزانہ کی انڈر سیکرٹری برائے بین الاقوامی امور، ایرن بران سے ملاقات کی ۔ وزیرِ خزانہ محمد اورنگزیب نے پاکستان کی جانب سے ستمبر میں 3 ارب امریکی ڈالر کے یورو بانڈ کے اجرا کو اجاگر کرتے ہو ئے سکوک، پانڈا بانڈز اور دیگر مالیاتی ذرائع کے ذریعے مالی وسائل کے حصول میں تنوع پیدا کرنے کے منصوبوں سے آگاہ کیا۔ وزیرِ خزانہ محمد اورنگزیب ن نے ئی ایم ایف پروگرام کے تحت پیش رفت، ٹیکس اصلاحات اور مسلسل تین سال بنیادی مالیاتی سرپلس کے حصول سے متعلق آگاہ کیا۔ وزیرِ خزانہ محمد اورنگزیب نے کہا کہ پاکستان کے زرمبادلہ کے ذخائر تقریبا 21.6 ارب امریکی ڈالر تک پہنچ گئے ہیں۔ اس موقع پر علاقائی تنازع کے توانائی، مہنگائی اور غذائی تحفظ پر اثرات اور رسد برقرار رکھنے کیلئے تیاریوں پر تبادلہ خیال کیا گیا۔ اعلامیہ کے مطابق موسمِ سرما کی طلب پوری کرنے کے لئے تیاریوں پر بھی گفتگو ہوئی۔ وزیرِ خزانہ محمد اورنگزیب نے برآمدات پر مبنی ترقی، آئی ٹی برآمدات میں اضافے اور پاکستانی مصنوعات کی عالمی منڈیوں میں مسابقت بہتر بنانے پر زور دیا۔ وزیرِ خزانہ محمد اورنگزیب نیقرضوں کی پائیداری اور خودمختار کریڈٹ ریٹنگ کے ڈبل بی درجے کی جانب پیش رفت کی اہمیت کو اجاگر کیا۔ اعلامیہ کے مطابق نجکاری، ہوائی اڈوں کے انتظام کو آٹ سورس کرنے اور بوئنگ کے ساتھ روابط پر گفتگو ہوئی ۔ امریکی ایکسپورٹ امپورٹ بینک( یو ایس ایگزم بینک) سے ممکنہ مالی معاونت پر بھی تبادلہ خیال کیا گیا۔
وزیر خزانہ
