یک ہفتے میں 23 اشیا مہنگی 7 سستی 21 کے نرخ مستحکم سالانہ بنیادوں پر مہنگائی کی شرح 11.38 فیصد ہو گئی

الاہور ( مانیٹرنگ ڈیسک ) حکومت کی جانب سے ملک میں مسلسل 9ویںہفتے مہنگائی میں اضافے کے بعد حالیہ ہفتے مہنگائی کی شرح میں معمولی کمی اور مہنگائی کی شرح میں اضافے کی رفتار میں 0.04فیصد کمی کے دعوؤں کے باوجود اس دوران 23اشیائے ضروریہ کی قیمتوں میں اضافہ ریکارڈ کیا گیا۔ وفاقی ادارہ شماریات کی جانب سے مہنگائی پر جاری ہفتہ وار رپورٹ کے اعداد و شمار کے مطابق ملک بھر میں 9ویںہفتے مہنگائی کے بعد گزشتہ ہفتے مہنگائی کی شرح میں معمولی کمی ہوئی اور مہنگائی کی شرح میں اضافے کی رفتار میں 0.04کمی ہوئی ہے اور سالانہ بنیادوں پر مہنگائی میں اضافے کی رفتار بھی کم ہوکر11.38ہوگئی، ایک ہفتے میں میں 23اشیائے ضروریہ مہنگی، 7اشیا سستی اور 21اشیا کی قیمتیں مستحکم رہیں۔اعداد وشمار میں بتایا گیا کہ حالیہ ہفتے چکن کی قیمت میں3.31فیصد، دال چنا کی قیمت میں4.97 فیصد، دال ماش کی قیمت میں 0.98 فیصد، دال مسور کی قیمت میں 0.65 فیصد، ایل پی جی کی قیمت میں 0.42 فیصد، ڈیزل کی قیمت میں 0.47 فیصد، جلانے والی لکڑی کی قیمت میں 0.69 فیصد، چائے کی قیمت میں 0.28 فیصد اور آٹے کی قیمت میں 3.36 فیصد اضافہ ہوا ہے۔ادارہ شماریات کے مطابق ایک ہفتے میں چینی کی قیمتوں میں 0.62 فیصد،گڑ کی قیمت میں0.36 فیصد، پیازکی قیمت میں 4.90 فیصد، ٹماٹر کی قیمت میں 23.05 فیصد، پیٹرول کی قیمت میں 0.70 فیصد اور کیلے کی قیمت میں 2.59 فیصد کمی واقع ہوئی ہے۔
اعدادوشمار میں بتایا گیا کہ حالیہ ہفتے کے دوران حساس قیمتوں کے اعشاریے کے لحاظ سے سالانہ بنیاد پر 17 ہزار 732روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.06 فیصد کمی کے ساتھ 8.19 فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کیلئے مہنگائی میں اضافے کی رفتار 0.04 فیصد کمی کے ساتھ10.11 فیصد رہی۔اسی طرح 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.01 فیصد کمی کے ساتھ 8.99 فیصد، 29 ہزار 518 روپے سے 44 ہزار 175 روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.02 فیصدکمی کے ساتھ 9.54 فیصد رہی۔
مہنگائی