وزیر اعلیٰ پنجاب کو لندن میں فکر لاحق، انسداد ڈینگی مہم کو مزید مؤثر بنانے کا حکم

لندن: (ویب ڈیسک) وزیراعلیٰ پنجاب چودھری پرویز الہٰی نے صوبے میں انسداد ڈینگی مہم کو مزید مؤثر بنانے اور تیز کرنے کا حکم دیا ہے۔
ق لیگ کے مرکزی رہنما اور وزیراعلیٰ پنجاب چودھری پرویز الٰہی اس وقت برطانیہ میں ہیں لیکن انہیں صوبے میں ڈینگی کے جاری وار کی وجہ سے فکر و پریشانی لاحق ہے۔
چودھری پرویز الٰہی نے لندن سے کابینہ کمیٹی برائے انسداد ڈینگی کو ہدایات جاری کی ہیں کہ انسداد ڈینگی کے لیے جاری سرگرمیوں کو مؤثر طریقے سے مانیٹر کیا جائے۔
وزیراعلیٰ پنجاب نے کابینہ کمیٹی کو ہدایت کی کہ انسداد ڈینگی اقدامات کے ساتھ کلینکل مینجمنٹ پر پورا فوکس کیا جائے، انسداد ڈینگی کی ٹیموں کو نچلی سطح پر متحرک کیا جا ئے۔
وزیراعلیٰ پنجاب چودھری پرویز الٰہی نے یہ ہدایت بھی کی کہ سرویلنس ٹیمیں ہاٹ اسپاٹ گھروں و علاقوں پرخصوصی توجہ دیں، پارکس و گرین ایریاز کی چیکنگ کی جائے اور اسپرے کو یقینی بنایا