توشہ خانہ ریفرنس کیس : چیئرمین پی ٹی آئی عمران خان نا اہل قرار

اسلام آباد: (ویب ڈیسک) الیکشن کمیشن آف پاکستان نے سابق وزیراعظم عمران خان کو توشہ خانہ کیس میں نا اہل کر دیا، چیئرمین پاکستان تحریک انصاف رکن قومی اسمبلی نہیں رہے۔
خیال رہے کہ قومی اسمبلی کے سپیکر راجا پرویز اشرف نے اگست کے اوائل میں توشہ خانہ کیس کی روشنی میں عمران خان کی نااہلی کے لیے الیکشن کمیشن کو ایک ریفرنس بھیجا تھا۔
ریفرنس میں کہا گیا تھا کہ عمران خان نے اپنے اثاثوں میں توشہ خانہ سے لیے گئے تحائف اور ان تحائف کی فروخت سے حاصل کی گئی رقم کی تفصیل نہیں بتائی۔
اپریل کے آغاز میں سابق وزیر اعظم نے توشہ خانہ میں ملنے والے تحائف کے تنازع پر ایک غیر رسمی میڈیا گفتگو کے دوران جواب دیتے ہوئے کہا تھا کہ یہ ان کے تحفے ہیں اور یہ ان کی مرضی ہے کہ انہیں رکھنا ہے یا نہیں۔