مکہ مکرمہ: (ویب ڈیسک) بارش کے لیے حرمین شریفین میں نماز استسقا ادا کر دی گئی۔
حرمین شرمین سے متعلق سوشل میڈیا کے مطابق مسجد الحرام میں بارش کے لیے امام کعبہ اور حرمین شریفین امور کے نگراں ادارے کے صدرشیخ عبدالرحمٰن السدیس کی امامت میں نماز استسقا ادا کی گئی، اس موقع پر نبی کریم ﷺ کی سنت پر عمل کرتے ہوئے نمازیوں نے اپنے جبے الٹے پہنے۔
مسجد نبوی ﷺ میں بھی بڑی تعداد میں لوگوں نے نماز استسقا ادا کی اور اللہ تعالیٰ کی بارگاہ میں بارش کے لیے دعائیں کیں۔
واضح رہے کہ خادم حرمین شریفین اور سعودی عرب کے شاہ سلمان نے چند روز قبل ملک میں بارش کے لیے نماز استسقا ادا کرنے کا حکم دیا تھا۔
