لاہور: (ویب ڈیسک) وزیراعلیٰ پنجاب چودھری پرویز الہٰی نے بڑا اعلان کرتے ہوئے کچی آبادیوں کے مکینوں کو مالکانہ حقوق دینے کا فیصلہ کرلیا۔
چودھری پرویز الٰہی کے زیر صدارت اعلیٰ سطح کے اجلاس کا انعقاد کیا گیا، کچی آبادیوں کے مکینوں کو مالکانہ حقوق دینے کیلئے سفارشات کا جائزہ لیا گیا۔
وزیراعلیٰ پنجاب نے کچی آبادیوں کے مکینوں کیلئے بڑا اعلان کرتے ہوئے کچی آبادیوں کے مکینوں کو مالکانہ حقوق دینے کے فیصلے کی منظوری دی۔
اس موقع پر انہوں نے مالکانہ حقوق دینے کے لیے بورڈ آف ریونیو سے حتمی سفارشات طلب کیں اور کہا کہ کچی آبادیوں کو مالکانہ حقوق دینے کیلئے اقدامات کیے جائیں، 10 مرلے تک اراضی والے مکینوں کو مالکانہ حقوق دیں گے، کچی آبادیوں کو مالکانہ حقوق دینے کیلئے تمام امور جلد طے کیے جائیں۔
چودھری پرویز الہٰی نے پنجاب کی کچی آبادیوں کی تفصیلات طلب کرلیں اور ہدایت کی کہ کچی آبادیوں کی تفصیلات وزیراعلیٰ آفس بھجوائی جائیں۔
وزیراعلیٰ پنجاب کا کہنا تھا کہ کچی آبادیوں میں مقیم اصل حقداروں کو ان کا حق لوٹائیں گے، بنیادی سہولتوں کی فراہمی کا پلان تیار کیا جائے۔
