ملتان: (ویب ڈیسک) دوسرے ٹیسٹ کے تیسرے روز انگلینڈ کی پوری ٹیم اپنی دوسری اننگز میں 275 رنز بنا کر آؤٹ ہو گئی۔
ملتان ٹیسٹ کے تیسرے روز انگلینڈ نے اپنی دوسری نامکمل اننگز کا آغاز 202 رنز 5 کھلاڑی آؤٹ کے ساتھ کیا تو ہیری بروک 74 اور بین اسٹوکس 16 رنز کے ساتھ وکٹ پر موجود تھے۔
تیسرے روز پہلے آؤٹ ہونے والے انگلش کھلاڑی بین اسٹوکس تھے جو 41 رنز بنا کر نواز کی گیند پر محمد علی کے ہاتھوں کیچ آؤٹ ہوئے جبکہ ہیری بروک نے اپنی سنچری مکمل کی۔
پہلی اننگز میں شاندار باؤلنگ کا مظاہرہ کرنے والے محمد ابرار نے اگلے آنے والے بیٹر اولی روبنسن کو 3 رنز پر ہی بولڈ کر کے پویلین کی راہ دکھائی۔
انگلینڈ نے دوسری اننگز میں 7 وکٹوں کے نقصان پر 262 رنز بنا لیے ہیں اور پاکستان پر ان کی مجموعی برتری 341 رنز ہو گئی ہے۔
ملتان ٹیسٹ: انگلش ٹیم 275 رنز پر آؤٹ، پاکستان کو جیت کیلئے 355 رنز درکار
