حکومت کا یوٹیلیٹی سٹورز کے ذریعے ٹارگٹڈ سبسڈی دینے کا فیصلہ

اسلام آباد: (ویب ڈیسک) حکومت نے بے نظیر انکم سپورٹ پروگرام میں شامل گھرانوں کو یوٹیلیٹی سٹورز کے ذریعے سبسڈی دینے کا فیصلہ کیا ہے۔
حکومت نے مستحق گھرانوں کو یوٹیلیٹی سٹورز کے ذریعے ٹارگٹڈ سبسڈی دینے کا فیصلہ کیا ہے اور اس حوالے سے وفاقی کابینہ نے منظوری دے دی ہے۔
سبسڈائزڈ اشیاء صرف بے نظیر انکم سپورٹ پروگرام سے رجسٹرڈ خاندانوں کو دی جائیں گی اور اس پیکج سے بے نظیر انکم سپورٹ کے 8 لاکھ سے زائد افراد کو سہولت حاصل ہوگی۔
یوٹیلیٹی سٹورز پر بے نظیر انکم سپورٹ پروگرام سے رجسٹرڈ افراد کے لئے چینی 70 روپے فی کلو، 10 کلو آٹا 400 روپے جبکہ گھی 300 روپے میں دستیاب ہوگیا۔
دوسری جانب عام شہریوں کے لئے يوٹيلیٹی سٹورز پر گھی، آٹے اور چینی کی قیمتیں مزید بڑھا دی گئی ہیں۔
یوٹیلیٹی سٹورز پر اب عام شہریوں کو گھی 75 روپے فی کلو، چینی 19 روپے فی کلو اور 10 کلو آٹے کا تھیلا 248 روپے مہنگا ملے گا۔
قیمتوں میں اضافے کے بعد اب عام شہریوں کیلئے چینی 89 روپے فی کلو، گھی 375 روپے کل اور آٹے کا دس کلو کا تھیلا 648 روپے میں دستیاب ہوگا۔