واشنگٹن: (ویب ڈیسک) امریکہ کے اعلیٰ فوجی افسر اور سینٹ کام کے سربراہ جنرل ایرک کوریلا نے کہا کہ امارت کیساتھ فوجی معاہدے قابل تحسین ہیں۔
غیر ملکی خبر رساں اداے کے مطابق سینٹ کام کے سربراہ جنرل ایرک کوریلا نے اماراتی فوج کے سربراہ لیفٹیننٹ جنرل انجینئر عیسیٰ سیف محمد المرزوئی سے ٹیلی فون پر بات چیت کرتے ہوئے امارات کے ساتھ امریکی فوجی معاہدات کی توصیف کی ہے اور ایران کے حمایت یافتہ عسکری گروپوں کی مذمت کی ہے۔
امریکی سینٹ کام کمانڈر نے یہ فون امارات پر حوثی حملے کو ایک سال مکمل ہونے پر امارات کے ساتھ اظہار یکجہتی کے لیے کی، ایک سال پہلے یمنی حوثیوں کے ایک ڈرون حملے میں امارات کے تین شہری جاں بحق ہوئے تھے، یہ حملہ بنیادی طور پر ایک آئل ٹینکر پر کیا گیا تھا۔
امریکی جنرل نے کہ کہ حوثی فورسز نے عام شہریوں اور عوامی سہولت کی چیزوں کو نشانہ بنانے کے لیے اماراتی سر زمین پر حملہ کیا تھا، جو اس امر کی یاد دلاتا ہے کہ ایرانی حمایت یافتہ عسکری گروپوں کی طرف سے آج بھی خطرات موجود ہیں۔
واضح رہے اسی طرح کے ایک بیان میں امریکی صدر جوبائیڈن پہلے کہہ چکے تھےکہ امریکہ اس موقف پر قائم ہے کہ موثرسفارتکاری کے ذریعے یمن کی جنگ کو امن کی طرف لایا جا سکتا ہے۔
