ممبئی: (ویب ڈیسک) بالی ووڈ کے کنگ شاہ رخ خان نے لڑکوں کو بال لمبے کرنے کا نسخہ بتا دیا۔
شاہ رخ خان نے تقریباً 4 سال کے عرصے کے بعد فلم پٹھان سے بڑے پردے پر واپسی کی ہے، جہاں فلم کے ریلیز سے قبل ٹریلیر نے دھوم مچائی وہیں اس فلم میں کنگ خان کا ہیئر اسٹائل مداحوں کو کافی پسند آیا۔
بالی وڈ کے بادشاہ 2018 کی فلم زیرو کے بعد اب پٹھان میں مکمل کردار میں نظر آ رہے ہیں،اس فلم کے لیے انہوں نے جہاں باڈی بلڈنگ پر کافی محنت کی وہیں انہوں نے بال لمبے کرنے کے لیے بھی جدوجہد کی۔
شاہ رخ خان عموماً فلموں میں اپنے بالوں کے ساتھ زیادہ چھیڑ چھاڑ نہیں کرتے لیکن فلم پٹھان کے لیے انہوں نے خصوصی طور پر بال لمبے رکھے جسے کافی پسند بھی کیا جارہا ہے۔
سوشل میڈیا پر جب شاہ رخ خان کے ایک مداح نے ان سے بال لمبےکرنے کا طریقہ پوچھا تو انہوں نے دلچسپ جواب دیا۔
ہم سب جانتے ہیں کہ شاہ رخ اپنے مداحوں سے بے حد محبت کرتے ہیں یہی وجہ ہے کہ وہ اکثرو بیشتر اپنے فینز کے لیے کچھ وقت نکال کر سوشل میڈیا پر سوال و جواب کے سیشن میں ان سے بات جیت کرتے ہیں۔
گزشتہ روز بھی انہوں نے ٹوئٹر پر صارفین کے کچھ سوالات کے جواب دیے،ایک صارف نے شاہ رخ سے سوال کیا کہ بال لمبے کرنے کا کوئی طریقہ بتائیں۔
جس کا جواب دیتے ہوئے کنگ خان نے کہا کہ امی سے سر پر تیل کی مالش کراؤ ۔
