پی ٹی آئی رہنما عباد فاروق 14 روزہ جسمانی ریمانڈ پر پولیس کے حوالے

لاہور: (ویب ڈیسک) انسداد دہشتگردی عدالت نے پاکستان تحریک انصاف کے گرفتار رہنما عباد فاروق کو 14 روزہ جسمانی ریمانڈ پر پولیس کے حوالے کر دیا۔
انسدادد ہشتگردی عدالت میں پی ٹی آئی رہنما عباد فاروق کے جسمانی ریمانڈ کی درخواست پر سماعت ہوئی، تفتیشی افسر نے کہا کہ عباد فاروق نے ساتھیوں سے ملکر پولیس کی گاڑی پر ڈنڈوں سے حملہ کیا، ملزم عباد فاروق کا فوٹوگرامیٹک ٹیسٹ کرانا ہے ۔
عدالت نے عباد فاروق کو14 روزہ جسمانی ریمانڈ پر پولیس کے حوالے کر دیا۔
یاد رہے کہ پی ٹی آئی رہنماؤں زبیر خان نیازی اور عباد فاروق کے خلاف پولیس موبائل پر حملے کا مقدمہ درج کیا گیا تھا
صوبائی دارالحکومت کے پولیس سٹیشن سول لائنز میں سب انسپکٹر افضل ورک کی مدعیت میں درج کیے گئے مقدمے میں دہشت گردی، جلاؤ گھیراؤ اور توڑ پھوڑ کی دفعات شامل کی گئی ہیں۔