واشنگٹن: (ویب ڈیسک) امریکی صدر جوبائیڈن نے ماسٹر کارڈ کے سابق سربراہ اجے بنگا کو ورلڈ بینک کا سربراہ نامزد کر دیا۔
غیر ملکی میڈیا کے مطابق امریکی صدر جوبائیڈن کی جانب سے انڈین امریکن اجئے بنگا کو عہدہ دئیے جانے کا مقصد ماحولیاتی تبدیلیوں سے نمٹنے کے لیے بہتر اقدامات ممکن بنانا ہے۔
اس موقع پر صدر بائیڈن نے کہا کہ بنگا کو عالمی رہنماؤں کے ساتھ کام کا وسیع تجربہ ہے۔
دوسری جانب جرمنی کی جانب سے بھی عالمی بینک کےسربراہ کی نامزدگی کی توقعات ہیں جبکہ جرمنی نے خاتون کو ورلڈ بینک سربراہ بنانے کی وکالت کی ہے۔
میڈیا رپورٹس کے مطابق اجئے بنگا کی تعیناتی مئی تک ہونے کا امکان ظاہر کیا جارہا ہے جبکہ ماحولیاتی امور پر اصلاحات کے تنازع کا شکار عالمی بینک کے موجودہ سربراہ ڈیوڈ ملپاس نے پچھلے ہفتے مستعفی ہونے کا اعلان کیا تھا۔
بھارتی نژاد امریکی اجئے بنگا عالمی بینک کے سربراہ نامزد
