سیکریٹری اور کنٹرولر کی پوسٹوں پر مستقل تعیناتیوں کی منظوری

راولپنڈی(خصوصی رپورٹر)وزیر اعلی پنجاب مریم نواز نے راولپنڈی سمیت پنجاب کے 15 تعلیمی بورڈز میں سیکریٹری اور کنٹرولر کی پوسٹوں پر مستقل تعیناتیوں کی منظوری دے دی ہے جس پر سیکریٹری ہائیر ایجوکیشن ڈیپارٹمنٹ نے 15 پوسٹوں پر تعیناتی کا نوٹیفکیشن جاری کردیا ہے تعینات کئے جانے والوں میں 5 خواتین بھی شامل ہیں نوٹیفکیشن کے مطابق گورنمنٹ ایسوسی ایٹ کالج ڈھوک سیداں میں گریڈ 18 کے اسسٹنٹ پروفیسر ذوالکیف عمر شاہ کو ڈیڑھ سال کے ڈیپوٹیشن پیریڈ پر راولپنڈی تعلیمی بورڈ کا سیکریٹری تعینات کیا گیا ہے قبل ازیں بورڈ کے ڈائریکٹر فزیکل ایجوکیشن محمد فہمید سیکریٹری کی اضافی ذمہ داریاں ادا کر رہے تھے اسی طرح یونیورسٹی آف ساہیوال میں گریڈ 19 کے ایڈیشنل کنٹرولر امتحانات مبشر سعید کو بھی ڈیڑھ سالہ ڈیپوٹیشن پیریڈ پر راولپنڈی تعلیمی بورڈ میں کنٹرولر امتحانات تعینات کیا گیا ہے قبل ازیں گورنمنٹ ایسوسی ایٹ کالج حسن ابدال کے اسسٹنٹ پروفیسر تنویر اصغر کو کنٹرولر کا ایڈیشنل چارج دیا گیا تھا۔