اسلام آباد (نمائندہ خصوصی) کیئر پلس میڈیکل سینٹر، جی-8 مرکز اسلام آباد کے زیر
اہتمام بریسٹ کینسر آگاہی سیمینار کا انعقاد ارمان نیکسس کے تعاون سے کروایاگیا، جس میں خواتین کی صحت کے حوالے سے شعور اجاگر کرنے پر خصوصی زور دیا گیا۔سیمینار 24 اکتوبر کو کیئر پلس میڈیکل سینٹر آڈیٹوریم میں منعقد ہوا، جس میں ڈاکٹرز، پیرا میڈیکل اسٹاف اور خواتین کی بڑی تعداد نے شرکت کی۔ اس موقع پر ماہر ڈاکٹر پروفیسر نادر محمود ،ڈاکٹر اسما طارق،اور نے بریسٹ کینسر کی ابتدائی علامات، بروقت تشخیص، احتیاطی تدابیر اور جدید علاج کے طریقوں پر تفصیلی آگاہی فراہم کی۔شرکا نے اس آگاہی مہم کو کامیاب بنانے میں آرما نیکسس (Aarma Nexus) کے مثبت اور مثر کردار کو سراہتے ہوئے کہا کہ ادارہ نہ صرف صحت کے شعبے میں آگاہی کے فروغ کے لیے سرگرم عمل ہے بلکہ معاشرتی فلاح و بہبود کے لیے بھی قابلِ قدر خدمات انجام دے رہا ہے۔ مقررین نے آرما نیکسس کی جانب سے عوامی شعور بیدار کرنے اور صحت سے متعلق معلومات کو عوام تک پہنچانے کی کوششوں کو ایک اہم سماجی خدمت قرار دیا۔ماہرین کا کہنا تھا کہ بریسٹ کینسر قابلِ علاج مرض ہے بشرطیکہ اس کی بروقت تشخیص کی جائے، اور اس سلسلے میں آرما نیکسس جیسے اداروں کی آگاہی مہمات عوام میں شعور پیدا کرنے اور بیماری کے خلاف مثر جدوجہد میں اہم کردار ادا کر رہی ہیں۔شرکا نے کیئر پلس میڈیکل سینٹر اور آرما نیکسس کی مشترکہ کاوشوں کو سراہتے ہوئے امید ظاہر کی کہ مستقبل میں بھی ایسی فلاحی اور آگاہی سرگرمیاں جاری رہیں گی تاکہ خواتین کی صحت اور معاشرتی بہبود کو مزید فروغ دیا جا سکے۔
