راولپنڈی(سٹی رپورٹر)تھانہ دھمیال پولیس کی کارروائی،چند روز قبل گھر میں ماں بیٹی کو قتل کرنے
والا ملزم گرفتار۔ تفصیلات کے مطابق تھانہ دھمیال پولیس نے کارروائی کرتے ہوئے چند روز قبل گھر میں ماں بیٹی کو قتل کرنے والے ملزم کو گرفتار کرلیا، ملزم نے لین دین کے تنازعہ اور ذاتی رنجش پر خاتون اور اسکی بیٹی کو قتل کیا، سی پی او حسن مشتاق سکھِیرا نے واقعہ کا نوٹس لیتے ہوئے ملزم کی فوری گرفتاری کا حکم دیا تھا، پولیس نے قلیل وقت میں موثر تفتیش کرتے ہوئے ملزم کو گرفتار کر لیا، ملزم نے دونوں خواتین کو گلا گھونٹ کر قتل کیا، ایس پی صدر انعم شیر کا کہناتھاکہ ملزم سے تفتیش کی جا رہی ہے، ٹھوس شواہد کے ساتھ چالان کر کے قرار واقعی سزا دلوائی جائے گی۔
