اسسٹنٹ کمشنر تلہ گنگ سورٹھ مبشر کا شہر کے مختلف پٹرول پمپس کا دورہ

تلہ گنگ ( نمائندہ خبریں)اسسٹنٹ کمشنر تلہ گنگ سورٹھ مبشر نے شہر کے مختلف پٹرول پمپس کا دورہ کیا اور پیٹرولیم مصنوعات پر جاری وزیراعظم ریلیف اسکیم پر عملدرآمد کا تفصیلی جائزہ لیا۔دورے کے دوران اسسٹنٹ کمشنر سورٹھ مبشر نے پٹرول پمپس پر مقررہ ایس او پیز پر عملدرآمد، پیمائش کے آلات کی درستگی اور صارفین کو پیٹرول و ڈیزل کی مقررہ مقدار میں فراہمی کا معائنہ کیا۔ اس موقع پر پٹرول پمپس پر حکومتی ہدایات کے مطابق انتظامات کا بھی جائزہ لیا گیا۔اسسٹنٹ کمشنر سورٹھ مبشر نے پٹرول پمپس کے انتظامی امور اور صارفین کو فراہم کی جانے والی سہولیات کا جائزہ لیتے ہوئے اس امر پر توجہ دی کہ وزیراعظم ریلیف اسکیم کے تحت عوام کو مقررہ طریقہ کار کے مطابق سہولت فراہم کی جائے اور پیٹرولیم مصنوعات کی پیمائش میں کسی قسم کی کمی نہ ہو۔حکومت کی جانب سے جاری کردہ ہدایات اور مقررہ ایس او پیز پر عملدرآمد یقینی بنانا ضروری ہے تاکہ شہریوں کو ریلیف کی فراہمی کے ساتھ ساتھ ان کے حقوق کا تحفظ بھی کیا جا سکے۔انتظامیہ کی جانب سے پٹرول پمپس کی نگرانی کا مقصد حکومتی اقدامات پر مثر عملدرآمد اور عوام کو ریلیف کی فراہمی یقینی بنانا ہے۔