ایس پی صدر انعم شیر کا تھانہ مندرہ اور تھانہ گوجرخان کا سرپرائز وزٹ

مندرہ ( بیورو رپورٹ)ایس پی صدر انعم شیر کا تھانہ مندرہ اور تھانہ گوجرخان کا سرپرائز وزٹ، سکیورٹی انتظامات اور پولیس کارکردگی کا جائزہ ، تفصیلات کے مطابق ایس پی صدر انعم شیر نے تھانہ مندرہ اور تھانہ گوجرخان کا سرپرائز وزٹ کیا، جہاںانہوں نے تھانوں کے فرنٹ ڈیسک، ریکارڈ، حوالات، کوت اور عمارتوں کا تفصیلی جائزہ لیا اور متعلقہ افسران کو ضروری ہدایات جاری کیں، دورے کے دوران ایس پی صدر نے تھانوں میں موجود افسران اور جوانوں سے ملاقات کی اور ان کے مسائل دریافت کیے۔ انہوں نے ہدایت کی کہ تھانے کی سطح پر شہریوں کی شکایات کا بروقت ازالہ یقینی بنایا جائے اور عوام کو بہترین خدمات اور سہولیات کی فراہمی کو اولین ترجیح دی جائے،ایس پی صدر انعم شیر نے کہا کہ سنیپ چیکنگ کے دوران سکیورٹی ڈیوٹیز پوری طرح الرٹ رہ کر سرانجام دی جائیں۔ متعلقہ افسران ڈیوٹی پر مامور جوانوں کو روزانہ چیک کرنے کے ساتھ انہیں بریف بھی کریں تاکہ سکیورٹی انتظامات کو مثر بنایا جا سکے،انہوں نے مزید ہدایت کی کہ جرائم پیشہ اور متحرک گینگز کے خلاف مربوط حکمت عملی کے تحت کارروائیاں کی جائیں، مثر گشت اور سنیپ چیکنگ کو یقینی بنایا جائے، جبکہ ایف آئی آر کا بروقت اندراج اور تفتیش میرٹ پر مکمل کرنے کے عمل میں کسی قسم کی کوتاہی برداشت نہ کی جائے، ایس پی صدر نے افسران پر زور دیا کہ شہریوں کے ساتھ خوش اخلاقی سے پیش آئیں، ان کے مسائل کو ترجیحی بنیادوں پر حل کریں اور پولیسنگ کے معیار کو بہتر بنانے کے لیے اپنی ذمہ داریاں احسن طریقے سے ادا کریں،انہوں نے کہا کہ شہریوں کو بہترین خدمات اور سہولیات فراہم کرنا پولیس کی اولین ترجیح ہے، جسے ہر وقت یقینی بنایا جائے گا۔