نیویا رک: (ویب ڈیسک) امریکا میں موسم سرما کے طوفان کے باعث کئی علاقوں میں بجلی کی فراہمی معطل، دو ہزار پروازیں منسوخ جبکہ 15 ہزار تاخیر کا شکار ہیں۔
غیرملکی خبر ایجنسی کے مطابق موسم سرما کےطوفان کے باعث ریاست مشی گن میں ایک فائر فائٹر بھی جان کی بازی ہار گیا جبکہ نیویارک، وسکونسن، الی نوائے، انڈیانا اور مشی گن میں 9 لاکھ سے زائد گھروں اور کاروبار کی بجلی منقطع ہے۔
رپورٹس کے مطابق کیلی فورنیا میں بھی ایک الگ سسٹم کے باعث غیرمعمولی موسم کا سامنا ہے جہاں بیشتر علاقے تیز ہواؤں اور موسم سرما کےطوفان کی وارننگ کے زیر اثر ہے ، کیلی فورنیا میں برفانی طوفان سے ایک لاکھ سے زائد افراد بجلی سے محروم ہیں ۔
کیلی فورنیا میں شدید طوفانی ہواؤں اور برفباری کے باعث لوگ گھروں میں محصور ہو کررہ گئے ہیں جبکہ منی سوٹا، وسکونسن اور ڈکوٹا میں برفانی طوفان کی وجہ سے سکول سمیت سرکاری دفاتر بھی بند کردیے گئے ہیں۔
دوسری جانب اوہائیو ویلی اور جنوبی حصے میں گرمی کی شدت سے نیا ریکارڈ بننے جارہاہے جہاں فلوریڈا کے علاقوں میں پارہ 31 سینٹی گریڈ سے زائد ہونے کا امکان ہے۔
