لاہور: (ویب ڈیسک) پاکستان اور مالدیپ کی فٹبال ٹیمیں واحد دوستانہ میچ میں آج مدمقابل ہوں گی۔
پاکستان اور مالدیپ کے درمیان دوستانہ میچ پاکستانی وقت کے مطابق 3:45 پر لامو گان سٹیڈیم میں کھیلا جائے گا۔
پاکستانی سکواڈ نے میچ کی تیاری کیلئے بھرپور مشقیں کیں اور فٹنس اور مہارت میں بہتری لانے کیلئے ٹریننگ کی، کھلاڑی ٹور کے واحد میچ میں جیت کیلئے پر عزم ہیں۔
پاکستان فٹبال فیڈریشن ( پی ایف ایف ) کے منتخب سکواڈ میں ثاقب حنیف، عبدالباسط ، سلمان الحق، مامون موسیٰ خان، سید عبداللہ شاہ، عبداللہ اقبال، حسیب احمد خان، توقیر الحسن، سردار ولی، راؤ عمر حیات، عبدالقدیر خان شامل ہیں۔
پی ایف ایف نے علی خان نیازی ، محمد سفیان، علی عزیر، عالمگیر غازی، زین العابدین اسحاق ، ہارون حامد، شائق دوست، محمد ولید خان، معین احمد، اے صمد شہزاد، عمر سعید اور ایم وحید کو بھی سکواڈ کیلئے منتخب کیا ہے۔
