وزیر اعظم آزاد کشمیر کا انتخاب: قانون ساز اسمبلی نے ایجنڈا جاری کر دیا

مظفرآباد: (ویب ڈیسک) وزیر اعظم آزاد کشمیر کے انتخاب کے لئے قانون ساز اسمبلی نے ایجنڈا جاری کر دیا۔
ایجنڈے کے مطابق آزاد کشمیر اسمبلی کا اجلاس 2 بج کر 15 منٹ پر شروع ہو گا، تلاوت قرآن اور نعت رسول مقبولؐ کے بعد وزیر اعظم کے انتخاب کے لئے کارروائی شروع ہوگی۔
وزارت عظمیٰ کے لئے متحدہ اپوزیشن کے مشترکہ امیدوار چودھری محمد یاسین ہیں جو پاکستان پیپلز پارٹی آزاد کشمیر کے صدر ہیں۔
پاکستان تحریک انصاف کی جانب سے وزارت عظمیٰ کے لیے حتمی امیدوار کا باضابطہ اعلان آج چیئرمین پی ٹی آئی عمران خان کریں گے۔