پیرس:انٹرنیشنل فوڈ ٹریڈ شو 2026 ء کے افتتاحی روز پاکستان کی بھرپور شرکت

پیرس (بیورو رپورٹ) فرانس کے دارالحکومت پیرس میں منعقد ہونے والے انٹرنیشنل فوڈ ٹریڈ شو سیال 2026 کے افتتاحی روز پاکستان کی بھرپور شرکت نمایاں رہی۔ یہ عالمی نمائش21 اکتوبر تک جاری رہے گی۔ فرانس میں پاکستان کی سفیر ممتاز زہرا بلوچ نے نمائش میں پاکستانی پویلین کا افتتاح کیا۔ چیئرمین پاکستان بزنس فورم یورپ سردار ظہور اقبال اور بانیپاکستان بزنس فورم فرانس و یورپ حاجی اسلم چوہدری نے سفیر پاکستان ممتاز زہرہ بلوچ کے ہمراہ پاکستانی پویلین کا دورہ کیا اور پاکستانی ایکسپورٹرز سے ملاقاتیں کی۔ٹریڈ ڈویلپمنٹ اتھارٹی آف پاکستان (ٹی ڈی اے پی) کے زیراہتمام 37 پاکستانی کمپنیاں شرکت کر رہی ہیں۔ فرانس کے دارالحکومت پیرس میں منعقد ہونے والے انٹرنیشنل فوڈ ٹریڈ شو سیال 2026 کے افتتاحی روز پاکستان کی بھرپور شرکت نمایاں رہی۔ یہ عالمی نمائش17 سے21 اکتوبر تک جاری رہے گی۔ فرانس میں پاکستان کی سفیر ممتاز زہرا بلوچ نے نمائش میں پاکستانی پویلین کا افتتاح کیا جہاں ٹریڈ ڈویلپمنٹ اتھارٹی آف پاکستان (ٹی ڈی اے پی) کے زیراہتمام 37 پاکستانی کمپنیاں شرکت کر رہی ہیں۔ اس عالمی نمائش میں شریک پاکستانی کمپنیاں چاول، پراسیسڈ فوڈ، پنک سالٹ اور مشروبات سمیت مختلف مصنوعات پیش کر رہی ہیں۔ پاکستان کی جانب سے نمائش میں بڑے پیمانے پر شرکت ایسے وقت میں ہو رہی ہے جب ملک اپنی برآمدات میں اضافے کے لیے نئی بین الاقوامی منڈیوں کی تلاش میں ہے۔ نمائش کے افتتاحی روز پاکستانی بریانی اپنے منفرد ذائقے اور خوشبو کی بنا پر شرکا کی خصوصی توجہ کا مرکز بنی رہی۔