اسپیلنگ بی مقابلے کا جی آر-6 کیمپس میں کامیاب انعقاد

لاہور (نامہ نگار خصوصی) امریکن لائیکیٹف ڈی این اے اسکول سسٹم کے راوی روڈ ریجن کے تحت کے جی سے جماعت ششم تک کے طلبہ و طالبات کے لیے اسپیلنگ بی مقابلے کا انعقاد کیا گیا۔ اس تقریب کی میزبانی جی آر-6 کیمپس کی ہیڈ مسٹریس بازغہ انصاری اور منزہ نے کی، جنہوں نے بہترین انتظامات اور شاندار میزبانی کے ذریعے تقریب کو کامیاب بنایا۔تقریب میں ریجنل منیجر وردہ عاصم نے اپنی ٹیم کے ہمراہ شرکت کی۔ ان کے ساتھ پرنسپل مس سدر اور مس نازیہ بھی تقریب میں شریک رہیں۔ مقابلے کا مقصد طلبہ کی لسانی صلاحیتوں کو نکھارنا، ان کے ذخیر الفاظ میں اضافہ کرنا اور ان میں صحت مند مسابقت کا جذبہ پیدا کرنا تھا۔مقابلے میں طلبہ نے بھرپور جوش و خروش سے حصہ لیا اور اپنی صلاحیتوں کا بہترین مظاہرہ کیا۔ اسپیلنگ بی مقابلے میں طلبہ کی انگریزی الفاظ کی درست ادائیگی، ہجے اور تلفظ کی مہارت کا جائزہ لیا گیا۔اس موقع پر منتظمین نے کہا کہ اس طرح کی تعلیمی سرگرمیاں طلبہ کی علمی و لسانی صلاحیتوں کو اجاگر کرنے کے ساتھ ساتھ ان میں خود اعتمادی اور آگے بڑھنے کا جذبہ بھی پیدا کرتی ہیں۔تقریب کے کامیاب انعقاد پر انتظامیہ، اساتذہ اور تمام معاون ٹیموں کی کاوشوں کو سراہا گیا۔